GENERAL SANTOS CITY – Dako ang pagtuo sa kasundalohan nga mihinay na ang puwersa sa Dawlah Islamiyah nga galihok sa South Cotabato.
Matud pa ni Lt.Col. Dindo Atiliano, ang tigpamaba sa 6th ID Philippine Army nga sa nakalabay nga mga operasyon sa mga otoridad hinay-hinay nga napatay ang pipila sa mga grupo sa maong teroristang grupo.
Gibutyag sa opisyal nga nagpadayon ang operasyon sa pag-neutralize sa mga miyembro sa maong probinsya.
Gikadugang pa niini, ning panahuna nagpadayon usab ang hugot nga security operation sa kasundalohan alang sa paghatag og hugot nga seguridad.
Sa pamahayag ni Atiliano nga sa padayong kooperasyon sa LGU, komunidad og suporta sa security sector mas paspas nga ma-neutralize ang mga terrorist organization og malikayan ang mga terrorist acts.
