GENERAL SANTOS CITY – Walay nahitabo nga phase out sa mga sakyanan hinuon adunay phasing Inn dinhi sa dakbayan.
Kini ang nahimong pagsaysay ni Orly Sabelita ang Manager sa Metro Gensan usa sa mga rota nga nagbiyahe dinhi sa syudad.
Sa hisgutanan sa PUV modernization program nga gibabagan sa pipila ka grupo sa driver ug operator didto sa kauluhan nga kulang lamang sa impormasyon ang nahisgutang grupo.
Gihulagway pa niini nga daw nakuratan ang nahisgutang grupo tungod 2017 pa ang consolidation phase out sa mga delapidated nga mga jeepneys.
Matud niini nga klaro nga may kakulangon sa pagpahibalo o kaha dili gyud gusto musabut .
Gipaklaro ni Sabelita nga dili lang para sa sektor sa transportasyon ang convinience sa mga sumasakay ang gilantaw sa gobyerno.
Gani dinhi sa rehiyon dose 100 percent nang consolidated ug wala nay grupo sa sektor nga nag indibidwal ang nanag-iya ug prangkisa tungod kooperatiba ug korporasyon ang nagpadagan sa fleet management system nga nagtumong nga maresolba ang traffic congestion sa dakbayan.
Usa sa epekto niini nga milu-ag ang mga jeepney sa kadalanan tungod terminal to terminal na lamang ang ilang rota ug malikayan ang magtapok sa dalan.
Gihulagway pa niini nga dihang gimugna ang LPTRP ang grupo sa mga driver ug operator hinuon ang nagprotesta aron aprubahan ang giduso nga LPTRP nga lahi sa kauluhan kay ang transport group ang supak niini.
