Miuyon ang Presidente sa Russia nga si Vladimir Putin sa 30 ka adlaw nga ceasfire sa mga pag-atake sa Ukraine. Kini ang resulta sa panag-istoryahanay sa telepono tali ni Putin ug Presidente sa US nga si Donald Trump.
Sumala sa White House, ang Russia dili moatake sa imprastraktura sa enerhiya sa Ukraine sulod sa 30 ka adlaw.
Sa Marso 20, adunay pagbayloay sa 175 ka mga binilanggo sa gubat, diin 23 ang anaa sa seryoso nga kondisyon.
Gihangyo usab ni Putin nga kinahanglan nga wala’y paglihok sa mga sundalo sa Ukraine sa panahon sa 30 ka adlaw nga ceasfire.
Pipila sa nahisgutan mao nga kinahanglan adunay lig-on nga relasyon ang duha ka nasud. Matud usab niya nga tungod sa ceasefire, mahunong usab ang pag-atake sa mga barko nga moagi sa Black Sea.
Kahinumduman nga niadtong miaging semana ang representante sa US ug Ukrainian President nga si Volodymyr Zelensky adunay panag-istoryahanay nga didto gipahigayon sa Saudi Arabia.
