-- ADVERTISEMENT --
GENERAL SANTOS CITY– Kaso ang atubangon sa usa ka lalaki nga nailugan ug kutsilyo human gisulayan ug dunggab ang ilang Purok Chairman.
Dugay na matud pang nasuko ang suspek nga kustidiya karon sa makar Police Station tungod sa dautang plano nga patyon ang iya unta nga biktima.
Giila ang suspek nga si Louie Deboso, 27 anyos nga residente sa Purok 2, Barangay Labangal ning dakbayan.
Sumala pa alas 4:00 sa kaadlawon kalit gisumbag sa suspek ang ilang chairman sa Peace and order sa Purok nga si Elmer Empic.
Nasuko matud pa ang suspek dihang gibadlong samtang kini nag -inum dihang kalit lang mitindog ug giataki ang barangay Chairman apan nabantayan kini sa mga tanud ug nailog ang dala niining kutsilyo .
