-- ADVERTISEMENT --
GENERAL SANTOS CITY- Pulitika ang usa sa gitan-aw nga anggulo sa gikataho nga pagbilin ug granada sa atbang sa gipuy-an sa usa ka barangay kagawad ug gadagan sa pagka-kapitan sa Brgy Baluntay, Alabel, Sarangani Province.
Una niini, nakaplagan matud pa mismo sa nahisgutang kandidatu ang nahisgutang granada nga wala nay pin, miaging gabii.
Hinungdan nga gilayong mireport sa mga otoridad, ug paspas nga miresponde ang EOD ug mga sakop sa Alabel Municipal Police Station.
Nasayran nga base sa pahayag sa nahisgutang kandidato, una pa ag campaign period, kanhi na siyang gisultihan sa kampo sa iyang kaatbang nga dili na ipadayon ang iyang kandidatura.
Sa karon padayon ang pagpangalap ug impormasyon sa kapulisan kalabot sa nasampit nga insidente.
-- ADVERTISEMENT --
