GENERAL SANTOS CITY – Nagpaalim pa sa ospital ang usa ka pulis nga nasamdan sa natigayong pagpamusil human nga miresponde lamang sa usa ka lalaking gikataho nga nag-maoy niadtong gabie sa Marso 30, 2018 sa Sitio Bampoy, Barangay Lampitak, Tampakan, South Cotabato.
Giila ang maong pulis nga si SPO1 Leon P. Siringan, sa maong lugar.
Sa imbestigasyon sa Tampakan Police station nga miresponde matud pa si SPO1 Siringan, human nga personal nga gireport sa police station ni Barangay Kagawad Lando Sen, ang matud pa pagdala-dala og pusil, pagpanghasi og pag-maoy sa nagpangalan ug Ricardo Taca, alyas Karding.
Pag-abot sa pulis sa lugar, kalit matud pa kining gipusil sa suspek hinungdan nga naigo kini sa tiyan ug gidala sa ospital.
Padayon pang giimbestigahan sa kapulisan ang maong insidente.
