GENSAN- Mag-atubang ug kaso nga reckless imprudence resulting to homicide ang triycle driver nga nakabangga sa usa ka motorsiklo nga nagresulta sa pagkamatay sa usa ka pulis.
Una niini, gideklarang dead on arrival sa usa ka tambalanan ang usa ka PO1 Junjie Asentista nga sakop sa Regional Mobile Force 12.
Kini human mabanggaan sa traysikel nga gimaneho ni Adolfo Balala nga taga Changco Bawing ning syudad.
Matud ni Police Chief Insp. Reulito Lumiguid, sa Traffic Management Unit, padulong na sa trabaho sa Police Regional Office 12 si PO1 Asentista dihang pag-abot sa Purok Cabu, Bawing, buot unta nga mag overtake sa usa ka sakyanan apan wala midayon hinungdan nga mibalik sa iyang lugar.
Apan nabanggaan kini sa gasunod nga traysikel nga nagresulta sa iyang pagkabalintong.
Hinuon, gilayon matud pang misurrender sa Tambler Police Station ang nahisgutang tricycle driver.
Apan sa gipahigayong imbestigasyon, nasuta nga walay nakita nga helmet sa pulis.
