Patay ang usa ka Pulis human nga aksidenteng napusilan ang iyang kaugalingon sa gikatahong service firearm niini, adlaw nga Martes, Hulyo 8, 2025 pasado alas 9 sa buntag sa Sitio Ukban, Barangay Buhisan, Cebu City.
Giila ang biktima nga si Edmund Danieles Agustin, 33-anyos, minyo ug sakop sa kapolisan nga nadestino sa Provinvial Investigation and Detective Management Unit sa Cebu Provincial Police Office.
Basi sa initial nga imbestigasyon, naabot ang biktima sa panimalay niini gikan sa iyang trabahoan, apan pipila ka segundo ang milabay, nakadungog ang iyaan niini og pagbuto hinungdan nga gisusi nila ang maong kabanay ug ilang naabtan nga naglingkod ug nagkadugo na si Agustin.
Gisuwayan nila pagluwas ang biktima pinaagi sa pagtawag og tabang sa Barangay Action Response Team sa Brgy Buhisan ug daling gidala sa tambalanan, apan gideklarar kini nga dead on arrival.
Nakuha sa kapolisan ang 1- ka kabhang sa 9mm nga bala ug 9mm service firearm sa maong biktima.
Subay niini nga panghitabo, nipahimangno si PLTCOL Maria Theresa Macatangay, ang Deputy City Director for Operations ngadto sa mga kapulisan ug sa mga gun owners nga mag-amping og mamahimong responsable sa ilang mga armas ug hinomdoman ang ilang mga gun safety training aron dili na mausab ang mga insidente susama niini.
