GENERAL SANTOS CITY – Gipasidunggan sa Philippine National Police (PNP) ang usa ka pulis kini human nga nasamdan atul sa buybust operation nga gipahigayon kaniadtong miaging adlaw sa ipahigayon sa Fil-Am Avenue, Purok 11A, Barangay Fatima ning syudad.
Giduaw ni Police Brigadier General Alfred Corpus ang Regional Director sa Police Regional Office 12 og sa mga kaubanan nga opisyal si Police Corporal Ryan Valencia sa ospital tungod sa naangkong samad sa tiil. Gipasigarbo ni RD Corpus ang kaisog sa maong pulis nga mihimo sa iyang trabaho.
Nakahimo pa sa pagbinuang si RD Corpus kay Police Corporal Valencia human nga nakahisgot sa BMI kon Body Mass Index.
Gawas sa medalya, midawat usab og cash assistance ang samdang pulis
Samtang napasaka na ang kasong kalapasan sa Republic Act 9165 o Comprehensive Dangerous Drugs Act of 2002 ug Republic Act 10591 o Comprehensive Law on Firearms and Ammunition batuk sa suspek nga si Jikki Gayam, 32, nga taga Prk. MC Village Brgy. Fatima.
Kahinumduman nga dihang gipahigayon ang operasyon, nakamatikod ang suspek nga pulis ang iyang nakatransaksyon maong nibunlot kini ug pusil.
Narekober gikan sa posisyon sa suspek ang 15 ka gramo sa gituohang shabu nga gibana-banaang nagkantindad sa P100,000; usa ka unit sa Magnum 357 revolver ug mga bala.
Ang suspek nakaangkon usab og samad human nakigpinusilay sa kapulisan.
