GENERAL SANTOS CITY – Regular filling ang himuon sa kapulisan aron pagpasaka ug kaso nga kriminal batuk kang Police corporal Jeker Parras.
Kini ang pahayag ni Lt. Col. Aldrin Gonzales, tigpamaba sa General Santos City Police Office human gibutyag nga ang kapulisan na mismo ang mupasaka ug kaso batuk kang Parras human gitutukan pagmaayo ni PNP City Director Col, Paul Bomitivo ang gihimong pagpabuto ug pusil sa iyang sakop.
Matud ni Lt. Col. Gonzales nga ang kaso nga administratibu ang pangunahan usab sa internal affairs service human gikustudiya ang nahisgutang pulis sa Police holding accounting unit.
Nailhan na usab ang kauban sa suspek sa pagpabuto ug pusil nga silang Enriquito Dakirang ug si Staff Sergeant Triztan Hijastro sa Philippine Army .
Una nga gireklamo sa mga residente sa Pioneer village, Lagao ning syudad ang tulo sa pagpabuto ug pusil niadtong martes sa gabii. Matud pa nakainum na ang suspek dihang nahitabo ang pagpabuto sa bitbit niining 9 mm pistol.
