GENERAL SANTOS CITY – Mibiyahe na padulong sa Camp Crame si PO1 Abner Baharan human gipatawag ni PNP Chief PDG Oscar Albayalde.
Gikumpirma sa Bombo Radyo ni Police Sr. Insp. Davis Dulawan, tigpamaba sa General Santos City Police Office nga ang nasampit nga pulis ang nadestino sa Patrol Unit sa Bula Police Station.
Dugang pa sa opisyal nga miaging semana pa nakadawat ug memorandum si PO1 Baharan human ang pag-bash kang General Albayalde.
Samtang, wala gikumpirma ni Dulawan ang impormasyon nga usa si PO1 Baharan sa nasikop nga pulis nga gikan sa Luzon nga nadistino sa Mindanao human nasakpan nga natulog samtang anaa sa duty.
Gumikan niini, nanawagan ang nasampit nga opisyal nga tumanon lamang ang ilang mandato aron makalikaay sa unsa mang reklamo ug angayang suportahan ang mga programa sa bag-ong PNP Chief.
Kini human matuboy sa posisyon gumikan may pagsalig ang gobyerno aron mapadagan ang institusyon alang sa kaayuhan sa tibuaaok kapuisan ug katawhang Pilipino.
