GENERAL SANTOS CITY – Nagpaklaro karon ang San Isidro Police Station kon Police Station 4 ning syudad kalabut sa nagkatag nga hulagway sa usa ka police kung asa makita nga daw naggunit kini ug pistula samtang nagpahigayon checkpoint sa usa ka lugar ning syudad.
Miani ug daghan nga mga reaksyon ang nasampit nga hulagway nga sumala pa sa mga nagkomento usab matud pa nga kasupakan sa balaod.
Sa social media post sa Police Station 4 gipakalaro niini nga dili kini usa ka pistula ang gikunitan sa maong police kung dili usa ka cellphone.
Gihingusgan sa buhatan sa police station 4 nga matinahuron ang mga kapulisan ngadto sa katawhan sa pagpatuman sa balaod.
Labi pa karon nga angay nga makuntrol ang mga tawo sama sa mga pagsakay sa mga pampubliko nga sakyanan tungod sa bahad sa COVID-19.
Kung asa nasayran nga angay 50% ang capacity sa mga pampasahero sakyanan. Angay usab nga mapatuman ang safety protokol dinhi sa syudad.
Lakip usab matud pa ang pagpatuman sa Excutive Order #42 ni GenSan Mayor Ronnel Rivera.
