GENERAL SANTOS CITY – Nailhan na ang pulis nga gitudlong responsable sa pagkawala sa kapin usa ka libo nga itik nga giharang sa Kiamba, Sarangani Province kaniadtong Enero.
Positibong giila ni Leonida Aradan, usa sa mga pahinante sa elf truck nga gisakyan sa mga itik, si PO1 Randy Guaza, nga mao matud pay nagpanaog sa mga itik gikan sa sakyanan aron temporaryong ikustodiya sa Community Police Action Center o COMPAC.
Kahinumduman nga dihang gibalikan sa tag-iya nga si Joy Marcera, taga Koronadal City, South Cotabato, aron kuhaon ang mga itik, wala na niya kini naabtan, butang nga dili mapaklaro sa Kiamba Municipal Police Station.
Kagahapon sa buntag, gipalinya ang siyam na pulis gikan sa Provincial Anti-Illegal Drugs Unit (PAIDU) sa Sarangani Provincial Police Office.
Kini aron ipatudlo sa mga reklamante ang pulis nga nagpanaog sa mga itik.
Nagnegatibo tanan ang mga giprisenta nga pulis, apan dihang gipakita ang litrato sa laing tulo ka mga pulis nga wala nakaapil sa lineup, gilayong nailhan ug gitudlo ni Aradan ug sa driver ng elf truck si PO1 Guaza.
Kahibaluan nga gawas sa nawala nga usa ka libo nga bibe, gipangita na usab si PO1 Guaza, kung asa wala pa masayran kon asa kini karon.
