GENERAL SANTOS CITY – Nagpaklaro sa Bombo Radyo ang pulis nga gireklamo nga nani-on ug pusil ug nanumbag sa Alabel, Sarangani miaging gabii.
Matud ni SPO1 Frederick Daras, 42-anyos nga na-assign sa Isulan, Sultan Kudarat, miadto siya sa balay sa iyang ig-agaw nga kaslunon sa Alabel, dihang nakasugat ang sikad nga gimanehuan ang nagpangalan ug Crismar Moreno.
Hapit matud pa siang magkabanggaay sa may kurbada apan wala nadayon. Dihang midiretso na matud pa siya sa iyang destinasyon, apan wala siya nagdahum nga gisundan siya kung asa gituktok siya sa may hood sa iyang sakyanan hinungdan nga nagkalalisay sila.
Namatikdan matud pa niya nga may laing tulo ka tawo nga anaa sa luyo, kung asa nahadlok usab siya nga basin ug mga riding in tandem kadto.
Gawas niini, gisumbag usab siya sa tangkugo ni Moreno hinundgan nga iyahang giti-unan ug pusil.
Samtang, sa sa alegasyon nga giadtuan gayud niya sa compound, kini tungod gigukod matud pa niya ang laing duha nga nanumbag usab kaniya.
Apan matud sa reklamante nga si Crismar Moreno, gihingusgan niini nga gisundan lamang niya ang pulis aron istoryahon lang unta.
Pagnaog pa lang matud pa sa pulis sa iyang kotse, isog na matud pa kini kaayo ug miaksyon ug bunlot sa pusil, hinungdan nga giunhan ug sumbag sa iyang mga kauban.
Hinungdan nga gibunlot na matud pa niini ang iyang pusil ug nagsige nag pani-on ug gisumbag pa siya makatulo ka higayon.
Kahibaluan nga giimbestigahan na sa Alabel Municipal Police Station ang naasoy’ng bangi sa duruha, ug gipaabot kon kinsa ang magpasang-at ug kaso kanila batok sa matag usa.
