GENERAL SANTOS CITY – Anaa na sa City Personnel Holding and Accounting Unit (CPHAU) sa General Santos City Police Office(GSCPO) si SSgt. John Rey Daligdig, ang pulis nga gireklamong nanggunit og sampot sa usa ka dalaga.
Kini ang gikumpirma sa iyang hepe sa Pendatun Police Station nga si Police Major Ananias Vasquez
.
Matud ni Major Vasquez, pasakaan og ‘simple neglect of duty’ si Daligdig kini human nga wala mag-duty bisan pa nga iyaha na kining gipadalhan og text message nga mu-report sa presinto.
Nasayran nga off-duty si Daligdig dihang nahitabo ang reklamo batok kaniya apan nagsul-ob ang nasampit sa athletic uniform sa PNP og naka-tsinelas lang.
Kabahin sa insidente, gibutyag ni Vasquez nga padayon ang koordinasyon sa Bula Police Station sa pamilya sa mga reklamante samtang gi-imbestigahan ang reklamo.
Gibutyag sa opisyal nga desididong mupasaka og kaso ang mga nagreklamo batok kang Daligdig.
Apan sa pamahayag niini nga muagi sa ‘due process’ si Daligdig og imbestigahan pagmaayo ang reklamo.
Gikatakda nga pasakaan ug kasong kriminal sa Bula PNP si Daligdig samtang ginahikay na usab sa Pendatun Police Station ang kasong administratibo.
Nasayran nga restricted si Daligdig human sa insidente.
