GENERAL SANTOS CITY– Nagpadayon ang backtracking investigation nga ginahimo sa Bula Police Station nga dakong tabang aron masayran ang motibo sa pagpusil patay kang Corporal Nasrudin Bansu-an sa sulod sa usa ka stake house sa San Miguel St, ning dakbayan sa miaging adlaw.
Matud ni PNP City Director Police Col. Gilberto Tuzon, may person of interest na sa krimen nga usa sa mga gitutukan sa kapulisan ang nagpadayong imbestigasyon nga gihimo.
Gisiguro sa labaw sa kapulisan sa dakbayan nga gipatutukan pagmaayo ang maong kaso aron matumbok kinsa ang mga responsable sa pagpatay sa nasangpit nga tigpatuman sa balaud.
Hinuon sa nahimong pamahayag ni Brigader General Bernard Tambaoan ang Deputy Regional Director for Administration sa Police Regional Office 12, nga si Corporal Bansuan ang kanhi gipailawom sa superbisyon sa Regional Public Holding Accounting Unit kon RPHAU apan gikuha sa Regional Training Center mao nga kuyog niini ang unom ka Police FTP personnel.
Gidugang pa ni Tambaoan nga na-relieved sa kanhi assignment si Bansuan tungod ginaimbestigahan sa Counter Intellegience busa nabutang ang pangalan sa watchlist gumikan sa ilegal nga aktbidad niini partikular sa iligal nga druga samtang ginahuptan sa Regional Adjudication Board nga naa sa iyang pagdumala.
Samtang may kaso ang nahisgutang pulis atoa kini gibutang sa training center.
Kahinumduman nga naa sa duty si Bansuan dihang mahitabo ang insidente.
Samtang anaa sulod sa usa ka stake house gipusil si Bansuan sa duha ka mga tawo kaniadtong Huwebes sa hapon nga nagresulta sa pagkamatay sa nahisgutan.
