GENERAL SANTOS CITY – Gidala gilayon sa Isulan Sultan Kudarat ang patay nga lawas ni POlice Cpl. Nasrudin Bansu-an kini human gipusil patay sa duha ka mga wala maila nga suspek. Nasuta nga nadestino ang biktima Regional Training Center .
Gibutyag ni P/ Capt. Abdulsalam Mamalinta, chief of police sa Bula PNP nga nahitabo ang insidente pasado alas 4:00 sa hapon kagahapon sa sulod sa Cotton Bowl Grill Steak House, sa San Miguel St., Lagao, ning syudad. Gibutyag nga gikan namalit og supplies ang nasampit kauban ang laing mga pulis og pagkahuman misulod sa maong kan-anan.
Duha ka mga lalake nga nakasul-ob og mask, naka sweat shirt og nakapantalon ang mga responsable sa kremin.
Padayon pa nga gitun-an sa kapulisan ang motibo sa kremin og mailhan ang mga naghimo sa ingon.
Gibutyag nga ang empty shell ang narekober sa mga otoridad sa crime scene.
Gilauman nga pinaagi sa CCTV camera sa maong establismento mahimong dalan sa pagtumbok sa mga ilhanan sa mga suspek.
