GENERAL SANTOS CITY – Gikasuhan na sa kapulisan ang mag-asawa o igsuon sa lalaki og Anti carnapping Act human nga nasikop human nga gireklamo nga puwersahan nga gisibat ang sakyanan.
Giila ang mga mag-asawa nga silang Dwight og Sherry Dullano, og ang igsuon sa bana nailhang si Relight Dullano.
Gikanayong usa ka police officer matud pa si Dwight Dullano. Matud sa Lagao Police Station kung asa nagpabiling balhug ang mga suspek, nga Marso 27, 2016, nagreport sa ilang presinto ang nagpangalan og Paul Oliver Gascon, 31 anyos nga taga Balite Lagao nga pugsanong gisakyan sa mag-asawang Dullano kauban si Relight ang Mitsubisihi Strada GLS nga may temporary plate number pa nga panag-iya ni Darion Dick Parsaso taga Guijo St, Lagao.
Gihingusgan sa mag-asawa nga ilaha ang sakyanan apan nagdala ang tag-iya og mga dokumento sa kapulisan sa Lagao aron pamatud-ang siya ang tag-iya.
Nasayran nga giturn-over sa Lagao PNP ang kaso sa Highway Patrol Group kung asa sa imbestigasyon, nasuta nga gi-assumed sa tag-iya ang sakyanan gikan kang Nedalyn Dalumpines sa Uhaw Fatima.
Human nga nasuta nga si Parsaso ang tag-iya sa sakyanan, gipahigayon sa kapulisan ang operasyon og malampusong naaresto ang tulo.
