GENERAL SANTOS CITY – Napasakaan na ug kasong pagsupak sa RA 9775 o Anti-Child Pornography Act of 2009 ug RA 10175 o Cybercrime Prevention Act of 2012 ang usa ka pulis sa Polomolok South Cotabato kauban ang tulo ka paryente gumikan sa pag-operate ug cybersex Den.
Kini human masikop sa gipahigayong raid silang Jessa Cana Penacerada, Maria Jemma Penacerada Zarate, Guillermo Zarate ug si PO3 Retchie Boy Silot Buca nga aktibong miyembro sa Polomolok Municipal Police Station.
Nalambigit matud pa ang upat sa cybercrime operations ug child prostitution kung asa sa gipahigayonmg raid narescue ang unom ka mga babaye nga nagsilbing web cam models, kung asa upat ang menor de edad nga naaktuhan pang nakig video-chat sa mga langyaw nga kliyente nga walay sapot.
Narekober usab sa operasyon ang mga computer, laptop, webcams, microphones, cellphone, sex toys, make-up kits, bank book, credit cards, mga mahilas nga sapot, ug uban pa.
