Nagpasidaan ang Cybercrime Investigation and Coordinating Center (CICC) sa publiko nga dili ibaliwala ug dili mabiktima sa mga tawag nga naghulga sa pagsuspenso sa SIM card.
Ang mga mangingilad nag-ingon nga ang SIM masuspinde tungod sa mga ilegal nga kalihokan sama sa illegal recruitment alang sa trabaho sa gawas sa nasud, online casino ug human trafficking.
Ang mas grabe pa, matod niya, ang mga mangingilad nagpakaaron-ingnon nga mga empleyado sa Department of Information and Communications Technology (DICT).
Matod ni CICC executive director Alexander Ramos, nakadawat og reklamo ang iyang buhatan bahin sa nanawag nga nagpaila sa iyang kaugalingon nga empleyado sa DICT nga si Nikki Garcia.
Ang scam caller giingong mopahibawo sa biktima nga masuspenso ang iyang SIM card tungod sa pipila ka kalapasan. Gumikan niini, nihangyo ang opisyal sa publiko nga dili ibalewala ang maong mga scam call gikan sa mga kadudahang o wa mailhing caller.
Giawhag ang publiko nga i-report ang mga insidente sa cybercrime sa Inter-Agency Response Center hotline 1326 aron malikayan ang cybercrime.
