Angayang mahimong magbinantayon og maampingon ang katawhan gumikan daghan ang mga scammers.
Sa pamahayag ni PLt. Col. Junny Buenacosa, labaw sa Regional Anti Cyber Crime Unit 12 nga daghan ang nabiktima karon sa online scam kung asa gahaylo og dakong kwarta o kaha adunay ibaligya apan walay produkto nga muabot.
Gikadugang pa niini nga dili gayud ihatag ang password sa ATM cards o laing mga pribadong impormasyon sa mga nag-chat sa social media o kaha nagtawag gumikan dako ang posibilidad nga mabiktima sa mga scammers.
Tambag sa maong opisyal nga dili gilayon nga magpadala sa haylo tungod daghan na ang nahimong biktima.
Dili gayud basta-basta iclick ang link nga ipadala niini tungod pwede ma-access ang mga scammers tungod kasagaran nga mahitabo nga gapangayo og personal nga mga impormasyon.
