GENERAL SANTOS CITY – Adunay tambag ang mga doktor sa publiko human sa natala nga unang kaso sa pagkatulon sa pabuto nga watusi sa nasod.
Sa pakighinabi sa Bombo radyo, gibutyag ni Dr. Roland Jay Basmillo sa City Health Office ning dakbayan sa Heneral Santos, kung may sama niini nga mahitabo angayang dalhon dayon sa emergency room ang biktima aron masuta sa doktor og matagaan og medikal nga atensyon. Wala gina-advise nga pugson pagpasuka ang biktima.
Inay isip first aid, hatagan og unom – walo ka egg whites kun puti sa hilaw nga itlog para sa bata og 8-12 par sa hamtong.
Kung mapiskan ang mata o unsa mang parte sa lawas og watusi, tambag ni Dr. Basmello nga hugasan kini og tubig sulod sa 15 minutos, kung asa nakabuklat ang mata og dayon nga mukunsolta sa doktor.
Kung ugaling maapektuhan ang pamanit, hugasan ang apektadong parte sulod sa 15 minuto, hubuon ang kontaminadong sinena og gilayong muadto sa doktor.
Kung nahanggap usab ang watusi, gitambagan ang mga biktima nga mag-inhale og preskong hangin og mangayo ug medical assistance.
Una nga gikataho nga sa rehiyon dose adunay pito ka biktima sa firecracker related incident samtang zero usab sa dakbayan .
