CAGAYAN DE ORO CITY – Nakahilak sa gibating sorpresa ug kalipay ang Psychology graduate gumikan sa wala damha nga regalo nga gihatag sa iyang ginikanan sa paghuman sa ilang gradwisyon sa Xavier University main campus sa Corrales Avenue Cagayan De Oro
Migradwar si incumbent Brgy Bugo Sangguniang Kabataan Kagawad Katrena Marich Guevara isip usa sa mga cum laude sa XU’s Bachelor of Arts in Psychology hinungdang gi-sorpresa sa iyang pamilya nga regaluhan sa bag-ong sakyanan.
Pagsaysay niini sa iyang social media post nga maoy nauyunan nila nga e-bike ang gusto niya madawat apan sa kakurat nakaparada nga bag-ong awto gawas sa XU gym ang naghulat kaniya rason nakatulo ang mga luha gumikan sa kalipay.
Tungod niini,nagpasalamat kini sa kahitas-an nga ingon ana ang pagpangga nga gihatag kaniya sa iyang ginikanan nga si Brgy Bugo Kagawad Chebong ug Marifel Guevara.
Giia niya ang grabeng sakripisyo sa iyang mga ginikanan aron lang mahatagan sa kalidad nga edukasyon ug kasayon sa kinabuhi.
Wala niya limti pagpasalamat usab ang iyang mga sakop sa pamilya ingon mga kabanay,mga higala ug mga ka-klase.
Mitapos kini sa pag-ingon nga wala pa mokunsad kaniya kung unsa man ang nahatag sa kahitas-an aron siya molampos sa iyang gisubay nga dalan
