GENERAL SANTOS CITY | Padayon ang pag-awhag sa Philippine Statistic Authority sa mga indibidwal nga maglisod ug proseso sa ilang birth certificate nga muduol na sa ilang buhatan gumikan tsansa na nila kini nga makaangkon ug birth certificate pinaagi sa usa ka programa sa PSA.
Kahibaluan nga nagpatuman ug Free birth registration assistance program ang Philippine Statistic Authority kon PSA aron matabangan ang mga katawhan.
Ang birth certificate ang usa sa mga dokumento nga ginapangita sa matag transakyon hilabi na sa panahon karon busa importante nga makaangkon ug birth certificate ang matag indibidwal.
Ang maong programa sa PSA subay sa Republic Act 10625 kon Philippine Statistical Act of 2013. Nasayran nga target sa PSA-12 nga mahatagan ug serbisyo ang anaa sa 175,000 ka mga indibdwal. Aron matuman kini, magpahigayon ang PSA 12 ug mobile registration aron makuha ang listahan sa mga indibidwal nga wala marehistro matag barangay.
