GENERAL SANTOS CITY – Nagpadala na ug augmentation force sa Maitum si Police Col. Michael Libanan human gipailawom sa isolation ang mga sakop sa Maitum Municipal Police Station aron makalikay sa pagtakod sa coronavirus disease.
Matud ni Libanan nga mga sakop sa Provincial mobile ang temporaryo nga muhulip sa trabaho sa kapulisan sa lugar.
Una nga gikumpirma ni Police Capt. Rodel Javison nga gipasiradhan una ang presento aron mag dis infect ang taga Municipal Health Office sa presento human mireport sa trabaho ang usa sa iyang sakop nga nakahimamat sa ugangan nga nagpositibu sa coronavirus disease.
Matud ni Javison nga pagsiguro kini sa tanang sakop aron makalikay sa makamatay nga virus samtang kadtong sakop ang gi pa swab test ug nagpaabut sa resulta.
Gibutang una sa gawas sa presento ang desk Officer aron muatiman sa unsa mang reklamo gikan sa mga residente .
Matud sa opisyal nga apil nga naka isolate ang mga piniriso nga naa sa ilang kustudiya .
Una nga nagmando si Municipal Mayor Bryan Reganit nga temporaryo nga pasiradhan ang presento sa kabalaka nga adunay matakdan nga pulis sa coonavirus disease.
