GENERAL SANTOS CITY – Naaprubahan sa third and final reading sa Senado ang House bill 5487 nga giduso ni Sarangani Rep. Steve Chiongbian Solon. Kini human gipresenta ug gidepensahan ni Congresman Solon sa Senate Committee on Local Government nga gidumala ni Senator JV Ejercito.
Kini ang pagdeklara nga non working day ang Nobyembre 28 matag tuig sa Sarangani province isip Provincial Founding Anniversary nga gitawag ug Munato Festival.
Matud pa human maaprubahan sa senado hulaton na lamang nga mapirmahan kini sa Pangulo aron hingpit na kini nga mapatuman.
Gipresenta usab ni Rep. Solon House Bill 6158 aron ideklara nga special non-working holiday sa tibuok sarangani ang Oktobre 27 matag tuig nga IP Day.
Nasuta nga 126 sa 143 ka barangay sa Sarangani ang gitawag ug IP communities.
