GENERAL SANTOS CITY – Sugod ugma, March 21, 2020 magpatuman og Provincewide lockdown ang South Cotabato sulod sa 14 diyas tumong nga kapugngan ang pagkuyanap sa Covid-19 sa probinsya.
Matud pa ni Gov. Reynaldo Tamayo Jr nga sugod sa tungang gabie sa Sabado istriktong ipatuman ang ‘NO ENTRY’ policy sa probinsya gawas lang sa delivery sa essential goods og uban pang kinahanglang delivery.
Ikaduha, ang mga katawhan sa South Cotabato kung mugawas ang makabalik lamang sa probinsya human ang 14 diyas.
Ikatulo, suspendido na ang tanang “mass transportation” (tricycle, multicab,van, bus), tanang porma sa sugal sama sa pagsirado sa tanang tourist places og destinasyon sa tibuok probinsya.
Ikaupat , ang mga malls ang abli apan sa grocery og food sections lamang. Ikalima -ang mga medical workers ang hatagan og masakyan og ikaunom – tanang food products ang tugtan nga ma- transport pasulod og pagawas sa probinsya basta may permits.
Dungan niini, giklaro ni Mayor Tamayo nga nagpabiling COVID-19 FREE ang SOUTH COTABATO.
Ang maong mga patakaran ang kinahanglan nga sundon sa taga Gensan, Sarangani , og mga kasikbit nga lugar.
