-- ADVERTISEMENT --
Nagpahibalo ang International Criminal Court (ICC) sa proseso alang sa upat (4) ka adlaw nga pagkumpirma sa mga kaso nga nalambigit sa kaso nga ‘ crimes against humanity’ batok kang kanhi Presidente Rodrigo Duterte sa iyang kontrobersyal nga kampanya batok sa droga.
Sumala sa tigpamaba sa ICC nga si Oriane Maillet, ang hearing magsugod sa Pebrero 23. Iyang gipasabot nga dili kini usa ka husay, apan usa lamang ka pre-trial hearing.
Niining bahin ang mga huwes dili pa modesisyon sa pagka-inosente o pagka-sad-an ni Duterte. Hinuon, ang mga pre-trial judges mo-assess lang kung adunay igo nga ebidensya aron madala ang kaso sa kanhi Presidente sa husay.
