Gitakdang iproklamar sa Commission on Elections (Comelec) ang mga mananaog nga party-list organizations human sa midterm elections.
Si COMELEC chair Geroge Garcia niingon nga ang National Board of Canvassers nakahukom nga ipahigayon ang proklamasyon sa alas 3 sa hapon. karong adlawa, Lunes.
Iyang giklaro nga walay “partial proclamation” ug kompleto na hinuon ang listahan sa mga mananaog.
Dugang pa niya nga ang NBOC mopagawas og resolusyon sa proklamasyon sa mga mananaog nga party-list groups lakip na ang gidaghanon sa mga puwesto nga gitagana alang kanila.
Adunay 63 ka mga lingkoranan nga gitagana alang sa party-list representatives apan ang COMELEC nagtan-aw sa legal nga mga remedyo sa mga gipangayo sa pipila ka mga grupo nga kinahanglan adunay usa pa.
Gibase ni Garcia ang party-list number sa formula nga gipaambit sa Korte Suprema sa 2009 nga hukom niini.
Base sa National Certificates of Canvass (COC) nga gipagawas sa NBOC, nanguna ang AKBAYAN, gisundan sa Duterte Youth, Tingog, 4Ps, ACT-CIS, Ako Bicol, Uswa Ilonggo, Solid North, Trabaho ug CIBAC.
