GENERAL SANTOS CITY – Nagpaklaro si Atty. Rey Cartojano, co-anchor sa Duralex Sedlex sa Bombo Radyo Gensan kalabutan sa national ID.
Matud pa niini nga kini gumikan may mga gareklamo nga mga Pinoy nga wala gadawat ang ubang bangko sa national ID isip Identification nga usa sa mga rekositos nga kinahanglan sa transaksyon.
Kini gumikan walay pirma ang maong ID.
Sa pamahayag sa nasampit nga advance ang mga features sa national ID itandi sa mga bangko hinungdan nga dili magtukma ang mga panginahanglanon sa transaksyon.
Gapanawagan ang mga magbabalaod sa Bangko Sentral ng Pilipinas kon BSP nga tutukan ang maong isyu.
Kini gumikan ang tumong sa national ID system nga dili na malisdan sa transaksyon ang katawhang Pilipino.
Nakalatid sa balaod nga ang dili mag-ila sa national ID isip valid proof of identity ang magmulta og ₱500,000.
