GENERAL SANTOS CITY– Gipaabot nga sugdan sa sunod nga semana ni Police Brig. Gen. Arnold Ardiente, ang bag-ong pungko nga OIC Regional Director sa Police Regional Office 12 ang paglibot sa mga Chief Executives sa matag local government unit sa tibuok rehiyon alang sa courtesy call.
Kagahapon dihang gipahigayon ang arrival honors alang kang Gen. Ardiente dihang miabot sa PRO 12.
Nanguna sa pagtagbo kang General Ardiente si Police Col. Alexander Mariano, ang Deputy Regional Director for Administration kuyog si PCol. Arnold Santiago, Deputy Regional Director for Operations ug Acting Chief of the Regional Staff Col. Harold Ramos.
Mipirma sa logbook si General Ardiente samtang kuyog ang iyang first lady ug pagkahuman gihapak ang ‘gong’ nga timaan sa opisyal nga pagsugod sa iyang pangatungdanan isip Officer in Charge sa PRO 12.
Pagkahuman niini iyang gihimamat ang Directorial staff ug mga ginsakpan.
