GENSAN- Gibutyag ni Coni Ardeña, Bombo International Correspondent sa Netherlands, nga natagbaw ang mga pro-Duterte supporters sa depensa ni Atty. Nicholas Kaufman alang kang kanhi Presidente Rodrigo Roa Duterte sa unang adlaw sa confirmation of charges hearing sa International Criminal Court.
Matud niya, gitawag pa ni Kaufman si Duterte nga “Father Digong” samtang niapelar kini nga ibalik sa Pilipinas ang kanhi Pangulo.
Mapailubon usab nga naghulat ang mga Pilipinong tigpaluyo sa gawas sa ICC hangtod sa pagtapos sa hearing ug nagpahigayon og programa diin ilang gipadayag ang pagtuo nga dili sad-an si Duterte sa kasong krimen batok sa katawhan.
Nakahatag kuno og kaisog sa mga supporters ang pagkakita sa legal team sa FPRRD paggawas nila sa ICC human sa pagdungog.
Ang bugtong hangyo sa mga tigpaluyo mao ang patas nga husay alang sa kanhi Presidente, ug magpadayon silang magtigom duol sa ICC hangtod sa Pebrero 27, 2026 aron ipakita ang ilang suporta
