GENERAL SANTOS CITY – Nanawagan si PBGen. Alfred S. Corpus, Regional Director sa Police Regional Office (PRO12) sa mga katawhan nga ireport gilayon kaniya ang mga ginsakpan nga adunay hiwing binuhatan.
Sa usa ka presscon sa PRO 12 Headquarters sa Brgy. Tambler, gibutyag niini nga hugot nga gisunod ang ”NO TAKE POLICY” sa unsa mang butang sama sa operasyon sa illegal gambling, drug activities, apil usab ang pagpangotong.
Kini pinasubay sa hugot nga kamanduan ni PNP Chief Gen Archie Francisco Gamboa.
Panawagan ni RD Corpus sa mga katawhan dinhi sa Rehiyon 12 nga tabangan ang kapulisan aron mahinluan ang ilang hanay.
Dugang pa niini nga ugaling adunay masayrang pulis nga nalambigit sa mga iligal nga binuhatan isumbong gilayon kaniya.
Mamahimo nga mutawag o kaha mutext sa cellphone number 09150721748 o 09291530219
