GENERAL SANTOS CITY – Magpahigayon ug inquiry ang kapulisan sa rehiyon dose luyo nga wala pay nadawat nga pormal nga reklamo kalabutan sa giingong usa ka babaye nga Pulis nga pugsanong gihilabtan sa usa ka Opisyal.
Matud ni Police Major Rissa Hernaez, PRO 12 Information Officer nga naalarma si Brig. Gen. James Gulmatico, OIC Regional Director dihang nakaabut kaniya ang maong balita.
Giangkon ni Hernaez nga malisod ang ilang pagabuhaton tungod ila nga susihon asa nanukad ang impormasyon ug kung ang biktima maoy nagpost u kaha laing tawo.
Gikadugang niini nga usa ka malisod nga tahas ang himuon sa tumong nga mahibaw-an ang kamatuoran sa maong post gani gipasalamatan niini ang Media nga gilayon nga gipahibalo ang maong isyu hinungdan nga magpahigayon ug pro active investigation.
Gipasalig pa niini nga kung may makuha na nga impormasyon ang kapulisan didto na magbasi ang imbestigasyon sa ipahigayon nga inquiry.
Nanawagan pa kini ngadto sa biktima nga kung tinuod ang nahitabo angayan nga mureklamo ug mugawas sa publiko.
Dinhi matud pa sa rehiyon dose adunay 11 ka mga Police Colonel walay labut ang anaa sa Regional staff.
