GENERAL SANTOS CITY – Gipahinumduman ni Police Regional Office 12 Director Chief Supt. Marcelo Morales ang tanang sakop sa ilang responsibilidad isip tugpatuman sa balaod.
Atul kini sa iyang pagpamulong kagahapong adlawa, alayon sa pagsaulog sa ika-120 ka tuig sa Araw ng Kalayaan sa nasud.
Matud pa, nanghinaot siya nga magpabilin ang pagka-makabayan ug pagpakabana sa kaayuhan sa tanan kapulisan, ug tumanon ang ilang responsibilidad sa pagserbisyo ug pagpanalipod sa katawhan, sa insakto nga pamaagi, ug dili malambigit sa unsa mang kahiwian.
Dungan niini, subling gihingusgan sa nasampit nga opisyal nga seryoso ang ilang hut-ong alang sa pagpalambo sa ilang pagserbisyo, ug pagpanalipod sa katawhan, ug daghan pa gihapon kanila ang matinud-anon sa trabaho, ug kinasingkasing sa pagkinabuhi sa kagawasan nga naangkon sa nasud pinaagi sa pagpaningkamot ug pagbuhis ug kinabuhi sa mga bayani.
Dungan niini, giawhag niya ang mga sakop nga ipadayon ang pagserbisyo sa tarong, aron masumpo ang iligal nga droga, krimenalidad, ug kahiwian, alang sa mas malambuon nga nasud.
