GENSAN– Mas gipalig-on pa sa Police Regional Office 12 ang ilang mga paningkamot aron pakusgon ang kampanya batok sa smuggling sa SOCCSKSARGEN.
Kini human ang nangulo sa usa ka meeting si PBGen. Arnold P. Ardiente, Regional Director sa PRO 12 uban ni Port Collector Ralph Antone S. Rojo sa Bureau of Customs- Port of Gensan nga gipahigayon sa PRO 12 Conference Room, Camp General Paulino T. Santos, Tambler ning adlawa.
Sa nahimong pahayag ni Ardiente, angay nga adunay lig-ong inter-agency coordination ug operational strategies aron masumpo ang smuggling activities.
Gihatagan og gibug-aton sa duha ka ahensya ang kamahinungdanon sa pagpaambit sa kasayuran, pag-synchronize sa mga operasyon, ug mas estrikto nga pag-monitor sa utlanan aron mapugngan ang pagdaghan sa mga smuggled nga mga butang.
