GENERAL SANTOS CITY – Andam na ang kapulisan alang sa umaabot nga Oplan Ligtas Sumvac og Oplan Semana Santa 2018.
Matud pa kay P/Supt Aldrin Gonzales, tigpamaba sa Police Regional Office 12 nga karon pa lamang aduna na silay nadawat nga memorandum circular gikan sa Camp Crame kalabot sa himuong lakang sa kapulisan sa umaabot nga bakasyon ug pagsaulog sa semana santa.
Gibutyag sa opisyal, karon pa lamang andam na ang kapulisan sa rehiyon dose sa paghimo sa ilang trabaho aron maprotektahan ang mga katawhan nga maglingaw-lingaw karong bakasyon dungan sa semana santa.
Sa iyang pamahayag nga mas pahugtan ang ipatumang seguridad sa tanang entrance og exit points sa mga syudad ug probinsya aron dili malutsan ug mga dautang elemento.
Nag-unang target sa Oplan Ligtas Sumvac ang mga lugar nga sagad dagsaon sa mga tawo sama sa mga bus terminal, airport, pantalan lakip usab ang mga simbahan, malls og palengke.
