Miani og positibong reaksyon gikan sa daghang lider sa nagkadaiyang nasud ang natigayong pinakadakong prisoner’s swap tali sa US og Russia.
Ang makasaysayon nga prisoners swap gilangkoban sa pagbuhi sa 24 detainees gikan sa Russa.
Kini gumikan lakip sa gibuhian silang American journalist Evan Gershkovich og kanhi US Marine Paul Whelan.
Si Gershkovich giaresto human nga giakusahan nga ispiya sa CIA samtang si Whelan adunay nakaaway nga pulis sa Russia og gibaharan matod pa ang kinabuhi niini.
Ang katibuk-ang 24 nga mga piniriso nabilanggo sa Russia og Belarus.
Nanguna si US President Joe Biden sa pagpasalamat sa mga kaalyadong nasud alang sa hingpit nga madayon ang ‘prisoners swap’.
Kauban ni Biden sa White House ang pipila nga mga kabanay sa mga gibuhian nga piniriso gikan sa Russia nga silang Evan Gershkovich, Paul Whelan, Alsu Kurmasheva og Vladimir Kara-Murza.
Ang 47-anyos nga Russian-American Journalist nga si Kumasheva gipahamtangan ug silot nga unom og tunga ka tuig nga pagkabilanggo tungod matod pa sa pagpakatag og negatibong impormasyon batok sa Russian army.
Baylo sa mga gibuhian ang mga pag-release usab sa mga Russian dissidents og kanhi FSB colonel nga gisilotan og kasong murder og pipila ka indibidwal nga giakusahang ispiya og nalambigit sa cybercrime.
Gibutyag ni Biden nga padayon ang ginahimo nilang paghatag og pasidaan sa mga katawhan nila nga mag-amping sa pagbiyahe sa mga delikadong nasod.
Gisaway usab niini si kanhi US President Donald Trump tungod wala niini nahimo ang prisoners swap niadtong nagpungko sa puwesto.
