Giangkon ni Priscilla Meirelles sa interbyu kang Karen Davila niadtong Abril 10, 2025 nga buwag na sila sa aktor nga si John Estrada, ug hingpit niyang gisirad-an ang pultahan sa posibilidad nga magkabalik sila.
Matod ni Priscilla, siya mismo ang mibiya sa ilang balay uban sa ilang anak nga si Anechka.
Bisan tuod legal pa sila nga minyo, gikataho nga dugay na silang wala magpuyo isip bana ug asawa.
Gibutyag usab niya nga makadaghang higayon nga misuway si John nga makigbalik, apan dili na siya interesado nga makigbalik.
Sumala pa sa kanhi Brazilian beauty queen nga dugay na niyang giantos ang nagbalikbalik nga problema sa ilang kaminyuon.
Gitawag niya si John nga “good provider;” ug gidayeg siya isip usa ka maayong amahan, apan miinsistir nga wala niya siya higugmaa sa paagi nga angay niya.
Maisogon usab nga niingon si Priscilla nga naka-move on na siya ug naka-focus na siya sa iyang kaugalingon, sa iyang mga anak, ug sa iyang career.
Siya miingon nga wala siya magmahay sa ilang kaminyoon, apan klaro ang iyang desisyon: “Sirado na ang libro.”
