Gisuspenso sa Constitutional Court sa Thailand si Prime Minister Paetongtarn Shinawatra, human sa eskandalo nga nahitabo tungod sa leaked phone conversation tali kaniya ug sa kanhing Cambodian leader nga si Hun Sen.
Sa maong audio clip, nadungog si Paetongtarn nga mitawag kang Hun Sen og “uncle” ug gisaway ang usa ka military commander sa Thailand, nga miresulta sa kasuko sa publiko kung asa petisyon sa iyang pagpahawa sa pwesto.
Ang maong petisyon kasamtangang gihisgutan na karon sa korte, nga posible nga hinungdan nga mapalagpot sa pwesto.
Kung hingpit nga makapahawa sa pwesto si Paetongtarn ang ikatulong miyembro sa pamilyang Shinawatra nga anaa sa pulitika sulod sa duha ka dekada nga mapahawa sa posisyon bisan wala pa matapos ang termino.
Sa boto nga 7-2, gimanduan sa Constitutional Court nga temporaryong suspensohon si Paetongtarn, ug gihatagan siya og 15 ka adlaw aron ipresentar ang iyang depensa.
Samtang giimbestigahan pa ang kaso, Deputy Prime Minister Suriya Jungrungruangkit maoy mulingkod isip acting Prime Minister sa Thailand.
