Pribadong sementeryo tapad sa ACAMP bantay sirado sa mga pulis atol sa kalag-kalag

GENERAL SANTOS CITY – Nagpaklaro si Mary An Bacar, administrator sa Antonio C. Acharon Memorial Park (ACAMP) adunay magbantay gihapon nga mga pulis sa usa ka pribadong sementeryo sa Calumpang ning syudad.

Ang maong sementeryo ang tapad lang sa ACAMP nga sa pagtuo sa uban nga usa ka pampublikong sementeryo.

Nagsugod ang paglubong sa maong area sa dihang wala pa naplastar kaniadto ang ACAMP.

Ang iyang rekomendasyon ngadto sa tag-iya nga kuhaan og permit sa Department of Health (DOH) lakip sa syudad aron nga mahimong legal.

Apan hangtud karon wala nahimo sa tag-iya.

Sa iyang pamahayag nga sirado gihapon ang maong sementeryo nga bantayan sa mga pulis atol sa kalag-kalag.