Misaka ang presyo sa mga bulak sa dakbayan sa General Santos atol sa pag-obserbar sa Kalag-Kalag, tungod kay mas daghan ang mamalitay ug taas ang demand sa merkado.
Sumala ni Mycel Ocban, usa ka flower vendor sa dakbayan, mas mahal karon ang mga bulak itandi sa ordinaryong adlaw tungod kay daghan ang nanginahanglan niini aron idedikar sa ilang mga minatay. Giingon pa niya nga kada tuig, kasagaran gyud nga mosaka ang presyo sa mga bulak matag Undas tungod sa kadaghan sa mamalit ug limitado ang suplay.
Gipasabot usab ni Ocban nga bisan pa sa pagsaka sa presyo, daghan gihapon ang mopalit tungod kay tradisyon na alang sa mga Pilipino ang pagdala og bulak sa lubnganan isip simbolo sa gugma ug handumanan.__
Sa pagkakaron, nagpadayon ang mga vendor sa ilang pagpamaligya bisan pa sa kainit ug kadaghan sa tawo aron mapatubag ang panginahanglan sa publiko sa mga bulak sa panahon sa Kalag-Kalag.
