Gilauman nga mosaka pag-ayo ang presyo sa diesel ug gasolina sa sunod semana tungod sa pagsaka sa global oil prices, sumala sa usa ka tinubdan gikan sa oil industry.
Base sa Mean of Platts Singapore (MOPS) prices ug foreign exchange rates gikan Agosto 10 hangtod 13, posible ang mosunod nga price increase:
Diesel: P3.75 hangtod P4.25 kada litro
Gasolina: P2.50 hangtod P3.00 kada litro
Sumala sa industry source, nakaapekto sa pagsaka sa presyo sa lana ang pagkunhod sa optimism sa posibilidad nga mahitabo ang peace deal ug ang pagbalik sa shipping traffic sa Strait of Hormuz.
Nagpadayon usab ang kabalaka sa pagkunhod sa global oil inventories, limitado nga suplay gikan sa Middle East Gulf ug pagkunhod sa exports gikan sa Black Sea.
Dugang pa niini ang posibilidad sa mga sanction-related disruptions nga mahimong mas makapahugot sa global crude supply.
Alang sa diesel, padayon usab nga nakaapekto sa presyo ang supply risks sa Middle East ug limitado nga exports gikan sa Russia.
Kasagaran, ang mga kompanya sa lana magpahibalo sa ilang price adjustments matag Lunes, nga ipatuman pagsugod Martes.
