Presyo sa gasolina muobos, krudo ug kerosene mutaas

GENERAL SANTOS CITY -Gilauman nga magpatuman ang mga kompaniya sa petrolyo ug dugang ug pagsaka sa presyo sa mga produktong petrolyo sa pagsulod gayud sa bulan sa Hunyo sumala sa Department of Energy (DOE).

Base sa upat ka adlaw nga trading karong semanaha gibutyag sa DOE nga posible nga magpahigayon ug rollback kon pag-ubos sa presyo sa gasolina sa P0.60 hangtud P0.90/matag litro.

Sa diesel usab gilauman nga magdugang ug P0.40 hangtud P0.60/ ang matag litro.

Sa kerosene usab gilauman nga magpatuman ug dugang presyo nga P0.75 hangtud P0.90/ang matag litro.

Kalabut niini gilauman nga ianunsiyo ang opisyal nga paglihok sa presyo sa mga produktong petrolyo sa adlaw nga Lunes ug ipatuman sa adlaw nga Martes, Hunyo 3.