-- ADVERTISEMENT --
Gipaabot nga musaka ang ang presyo sa diesel ug kerosene sa sunod semana base sa pasiunang forecast sa Department of Energy .
Base sa datos gikan sa unang upat ka adlaw nga pamatigayon, ang diesel lagmit mosaka og P0.80 kada litro ug kerosene og P0.45 kada litro, samtang ang gasolina mahimong gamay nga moubos og P0.05 kada litro.
Gipunting sa DOE nga kini mga pasiunang forecast ug wala maglakip sa ubang mga gasto ug premium sa mga kompanya sa lana.
Gidugang sa ahensya nga ang mga tensyon sa kalibutan ug mga pagbag-o sa panginahanglan, labi na gikan sa US, EU, ug China, nagpadayon sa pag-apekto sa presyo sa krudo ug posible nga presyo sa mga konsumidor.
