Nagpabilin ang posibilidad nga moabot og P200 kada litro ang presyo sa diesel sa Pilipinas, sumala sa Department of Energy (DOE).
Bisan pa, naglaum ang ahensya nga dili kini mahitabo.
Giklaro ni Energy Sec. Sharon Garin nga dili pa klaro sa pagkakaron kung moabot ba niini nga lebel ang presyo sa lana sa nasud samtang nagpadayon ang negosasyon alang sa hingpit nga paghunong sa gubat sa Middle East.
Sumala sa kalihim, dili kontrolado sa gobyerno ang sitwasyon sa patigayon sa mga produkto sa petrolyo ug ang paglihok sa presyo niini gikan sa global nga merkado ngadto sa lokal nga merkado.
Base sa kasaysayan, matod niya, ang presyo sa lana sa Pilipinas wala pa gyud makaabot niini nga lebel, apan tungod sa dikta sa global nga merkado, matod niya daghang mga butang ang posible sa patigayon sa lana.
Kagahapon (Abril 7), gipatuman sa mga kompanya sa petrolyo ang ikalima nga double-digit nga pagsaka sa presyo sa mga produkto sa lana, hinungdan nga misaka ang presyo sa diesel gikan sa P130 ngadto sa P170 kada litro.
