GENERAL SANTOS CITY – Anaa sa 40-50 percent ang pag-usbaw sa presyo sa mga bulak gikan sa planters og suppliers.
Kini ang gibutyag ni Susan Abong, ang presidente sa Gensan Flower Vendors Association nga nahimutang sa Roxas Avenue corner Matalam Street.
Gibutyag sa nasampit nga ang mga bulak sa antorium, mumps og mga imported nga bulak ang halinon pagkakaron sa ilang mga pwesto.
Gikanayon niini, kon dinosena nga bulak ang gusto mapalit kini og P300-P350 samtang P30 ang kada usa. Samtang ang naka-arrange ng daan nga bulak, P50 pataas ang ilang presyo.
Ug kon naka-basket depende sa arrangement sa mga bulak adunay mapalit og P200-P300. Apan mamahimo gihapon magpa-arrange ug bulak sa basket depende sa budget sa kustomer.
Sa pamahayag ni Abong nga sa Davao, Digos, Polomolok, Kidapawan, Tupi og Marbel gikan ang ilang mga supply sa mga bulak samtang sa Manila ang mga imported.
Luyo nga ubay-ubay na ang mga gapalit ug bulak sa ilang pwesto apan gilauman nga mas daghang mudagsa ugma, Nov. 1 hangtud sa Nov. 2.
