Presyo sa bugas, padayon nga gibantayan sa gobyerno

Padayon nga gibantayan sa gobyerno ang presyo ug suplay sa bugas sa merkado samtang nagpadayon ang pag-ani sa palay sa nagkadaiyang lugar sa nasud.

Gitan-aw usab sa mga opisyal ang presyo sa palay aron masiguro nga makatarunganon ang kita sa mga mag-uuma ug dili mosobra ang presyo sa bugas sa mga konsumante.

Gilauman nga makatabang ang lokal nga produksyon sa pagpalig-on sa suplay sa bugas sa mga umaabot nga bulan.

Samtang, padayon ang monitoring sa Department of Agriculture ug uban pang ahensya sa presyo sa merkado.

Gipahinumdoman usab ang mga rice retailer nga mosunod sa gitakdang presyo ug mga regulasyon sa gobyerno.