GENERAL SANTOS CITY – Padayon ang pagsaka sa presyo sa bugas dinhi sa Rehiyon 12.
Kini ang gibutyag ni Dionesio Hectin, NFA Provincial Manager, kung asa wala matud pa mikunhod ang presyo sa bugas bisan ug miabot na sa dakbayan ang 100,000 ka mga sako sa bugas gikan sa Thailand, ug luyo sa nagkataas ang production cost ug buying price sa mga traders.
Matud pa nga apektado ang mga mag-uuma sa pagtanum ug humay tungod sa gamay ang allocation nga gihatag sa ilang buhatan.
Kahibaluan nga gamay lamang ang gipagawas nga bugas alang sa mga NFA grain retailers.
Hinungdan nga nagpabilin nga taas ang presyo sa bugas. Apan gilaumang mubalik na sa normal ang presyo sa bugas sa musunod nga seaspn.
Samtang, gibutyag usab ni Hectin nga mibalik na sa pagserbisyo ang NFA rolling store sa dakbayan ug sa Sarangani, butang nga gilaumang makatabang sa mga kabus nga pamilya.
