Presyo sa baboy karung pasko gisiguro nga dili mutaas

GENERAL SANTOS CITY – Gipasalig ni Toto Mosqueda, presidente sa Gensan Meat Vendors Association nga dili sila magpasaka sa presyo sa karneng baka og baboy karong pasko paingon sa Bag-ong tuig kung dili usab musaka ang presyo sa gipalit nila nga buhing baboy.

Kahibaluan nga sa Commercial farms nagapamalit og buhing baboy ang mga Meat Vendors sa Central Public Market.

Gibutyag ni Mosqueda, nagadepende ang ilang presyo sa production cost og dili sa demand.

Sumala pa niini, kung December, in-demand ang ilang karneng baka og baboy ug nga may pipila ka negosyante ang magpahimulos pinaagi sa pagpasaka usab og presyo.